Den hampir maut dalam kemalangan....

Assalamualaikum,

Lamo btol aku tak citer pasal kenangan aku kan.Entry ni den cakap loghat nogori yo...supaya korang dapeik raso perasaan jadi orang nogori ni..heheh..boleh kan...sobonar eiyh kenangan menakutkan ni berlaku maso den sekolah rondah.Tak silap den masa tu den darjah limo...bukan limosin yo tu...heheh

Maso tu time balik kelas tambahan agak eiyh...nak balik tu den nak tipon bapak den suruh jomput...dulu sumo pakai public phone...mano ada Samsung Galaxy Ace waktu tu...Tipon public ni plak kat seberang jalan sekolah den...dokeik dopan sekolah den tu memang sibuk nak ameik...yola..dokeik dongan bandar Bahau kan..bandar ke Bahau tu...heheh..den pun tak tahu...

Maso den nak melinteih jalan nak poie kat tipon tu..memang den selamat...lopeih dah habeih tipon bapak den,den terusla nak poie sekolah balik...soporti biaso..melinteih kono la pandang kiri kanan kan...tu yang den belajar waktu keik tadika kemas dulu...takdo plak dio ajar lopeih pandang kirikanan tu pandang laie sampai kompem takdo kenderaan...

Lopeih pandang kirikanan tu den dengan ponuh keyakinan dan takbur melinteih sobab takdo keto time tu...tibo-tibo...booooom!!..yang tibo-tibo ni aku tak tahu botol ko tak..sobab lopeih kono langgar tu memang den melayang tak sodar diri...

Mengikut tuan punye motor yang langgar aku tanpa belas kasihan tu...lopeih dio terlanggar den,den melayang macam iklan weightagain tu..yola dulu taknak makan...kan dah kurus keding camtu..sekali motor langgar pon melayang...dahla yang langgar den tu suami isteri yang dah pencen...bawak mesti slow punye...pakcik ngan makcik yang langgar aku tu cakap waktu den tersungkam kat jalan rayo tu,botol-botol belakang den ado bas yang siap sedio nak langgar den...dengan ponuh cemas pakcikmakcik tu tanpo menghiraukan keselamatan menjorit dopan bas tu suruh berhonti...nasib sompeik...kalo tak,tak dapeikla korang nak baco blog ni...kalo ado tu,hantu den la tuleih tu..heheh

Den tersodar dari pengsan pon maso den dalam keto cino dalm perjalanan ke klinik...terkojut beruk den tibo-tibo ado dalam keto cino...dah sampai simpang nak poie klinik tu,den perasan klinik ni botol2 dokeik ngan ghumah den...kocik laie kan..ingatkan penculik mano nak culik budak cute macam den ni...lanteih tanpa ragu-ragu den bukak pintu belakang kuar dari keto tu...memang aksi mencomeihkan waktu tu...mesti cino tu blurr gilo...orang yang dia nak hantar klinik tu melompeik kuar dari keto dio...

Sampai ghumah den masukla ghumah dengan ponoh macho sambil jalan cat walk dopan bapak den...tibo-tibo bapak den terkejut tengok den...den ingat luko kocik jo kat muko ni...tu yang nak rahsio keik bapak den ni...den pon tengokla cermin keik bilik mak den...tibo-tibo den pulak terkojut.."sapo plak mamat hodoh yang sobolah muko takde kulit laie ni...nampak daging jo ngan tisu-tisu putih sikit jo...baru den tahu lopeih den melayang tadi sobolah muko den bergeser keik jalan rayo...

Lama gak muka aku nak elok...minggu dopan tu plak nak poie rombongan plak tu..terpaksola poie rombongan dengan muko hodoh...nasib baik tak tinggal parut keik muko den yang hensem ni..hehe...takdo plak den lotak ubat apo-apo...ubat warno kuning yang klinik tu bagi jo den tepek keik muko ni...

Hari tu gak orang cino yang nak culik den tu datang ghumah den sobab nak hantar buku-buku den dalam keto dio yang tertinggal tu lopeih den berjayo  melopeihkan diri dari diculik tu...

p/s-panjang plak aku citer kali ni...hati-hati di jalan raya...